पावसाळयात कार ची काळजी कशी घ्यायची – Car care in rainy season
पावसाळ्यात गारवा मिळतो आणि पावसाच्या सरींनी वातावरणात उत्साह निर्माण होते. पण, ह्या काळात आपल्या गाडीची निगा राखणे अवघड असते.
मुसळधार पाऊस, पाणी साचलेले रस्ते आणि वाढलेली आर्द्रता यामुळे तुमच्या वाहनाच्या परफॉर्मन्स वर धोका निर्माण होऊ शकतो.
तुमची कार चांगल्या स्थितीत राहावी आणि या पावसाळी वातावरणात हि कारची उत्तम प्रकारे निगा राखली जावी यासाठी,
कारची योग्य काळजी आणि देखभाल करणे आवश्यक आहे.
या लेखात, आम्ही पावसाळ्यात तुमच्या कारची काळजी घेण्यास मदत करण्यासाठी 9 उत्तम उपायावर चर्चा करूया.
1. टायर तपासा आणि टायर मध्ये योग्य प्रेशर असू द्या – Check tiers and pressure
ओल्या रस्त्यांवर गाडी चालवताना टायर्स सुस्थितीत आहे कि नाही हे तपासून घ्या.
टायर्स ची जर खूप झीज झाली असेल किंवा घासले गेले असताही तर असे टायर्स वापरू नका.
ते रस्तावर स्लिप होऊ शकतात. याचप्रमाणे टायर्स च्या हवेचे प्रेशर योग्य असणे अत्यंत महत्वाचे आहे.
गाडीच्या ज्या कंपनी ने मॅन्युफॅक्चर केली आहे. त्या कंपनी जे एअर प्रेशर ठरवून दिले आहे एवढेच प्रेशर टायर्स ठेवावे.
ठरवून दिलेलं प्रेशर ठेवले तर गाडीची पकड रस्तावर मजबूत राहते.
भारतात बरेच लोक गाडीचा एव्हरेज वाढवण्यासाठी हवेचे प्रेशर जास्त ठेवतात.
जर टायर्स मध्ये हवा जास्त असेल तर पावसाळयात गाडी स्लिप होऊ शकते.
तसेच रस्तावर पाणी भरले असेल तर खड्याचा अंदाज न आल्याने टायर्स फुटू शकते. म्हणून हे करणे टाळावे.
2. विंडशील्ड वाइपरची तपासणी करा – Check windshield wipers in rain
पावसात वाहन चालवताना समोरचा रस्ता स्पष्ट दिसणे खुप महत्वाचे आहे.
तुमच्या विंडशील्ड वाइपरची कसे आहेत ते तपासा आणि ते खराब झाले आहे असे आढळल्यास ते बदला,
जीर्ण झालेले वाइपर ब्लेड पावसात कारच्या काचांना अंधुक करू शकतात. त्यामुळे समोरचा रस्ता व्यवस्थित दिसणार नाही,
ज्यामुळे मुसळधार पावसात गाडी चालवणे कठीण होते. दृश्यमानता वाढवण्यासाठी, शक्यतो पावसापासून बचाव करणाऱ्या,
तुमचे विंडशील्ड वॉशर लिक्विड टॉप अप करायला विसरू नका.
3. हेडलाइट्स आणि टेललाइट्सचे प्रवासाआधी तपासा – Check headlights and taillights
पावसाळ्यात दृश्यमानता / व्हिसिबिलीटी कमी झाल्याने ड्रायविंग योग्य होण्यासाठी हेडलाइट्स आणि टेललाइट्सची आवश्यकता असते.
हेडलाइट्स, टेललाइट्स, ब्रेक लाइट्स आणि टर्न सिग्नल्ससह सर्व बाह्य लाईट्स नियमितपणे तपासा.
तुम्हाला समोरील रस्ते आणि गाड्यांचा अंदाज येण्यासाठी आणि रस्त्यावरील इतर ड्रायव्हर्सना देखील तुमच्या कार चा अंदाज येण्यासाठी
खराब झालेले लाईट्स त्वरित बदलले पाहिजे.
जर हेडलाइट्स आणि टेललाइट्स वर धूळ किंवा घाण साचली असेल तर ती स्वच्छ करून घ्या.
जेणेकरून लाईट्स चे काम पूर्ण क्षमतेने होईल. पावसात गाडी चालवताना पावसाचे थेंब जास्त काचेवर साचल्यामुळे काचा धुरकट होतात,
त्यामुळे सर्वानीच जास्त पावसात लाईट्स जर चालू ठेवले तर समोरच्या गाडयांना मागून येणाऱ्या गाड्या दिसण्यास मदत होईल
4. वॅक्स कोटींगने संरक्षित करा – Wax coating
पावसाळ्यात अनेकदा तुमच्या कारला ओलाव्यामुळे गंज लागू शकतो. त्यासाठी चांगल्या क्वालिटी चे वॅक्स कोटींग केले पाहिजे,
जेणेकरून कारच्या पेंट मध्ये पाणी जाण्यापासून रोखले जाते. पण हे कोटिंग लावण्या आधी कार धुवून आणि कोरडी करून घ्या.
त्यामुळे हे कोटिंग टिकून राहण्यास मदत होईल.
5. कारचे इंटेरियर स्वच्छ आणि कोरडे ठेवा – Keep interior clean and dry
जर तुम्ही व्यवस्थित काळजी नाही घेतली तर, पावसाचे पाणी तुमच्या कारच्या आतील भागात सहजपणे प्रवेश करू शकते.
ओलसरपणा आणि बुरशीची वाढ रोखण्यासाठी, कोणतीही जमा झालेली ओलावा किंवा घाण काढून टाकण्यासाठी
फ्लोअर मॅट्स, सीट आणि कार्पेट नियमितपणे कापडाने पुसून कोरडे करा. मुसळधार पावसात तुमची कार ओली झाल्यास,
टॉवेल किंवा ओले-कोरडे कापड वापरून ती पूर्णपणे वाळवा.
तुमची कार ओली ठेवल्याने उबट वास येऊ शकतो आणि सीट्स खराब होऊ शकते.
6. पार्किंगची ठिकाणे काळजीपूर्वक निवडा – Choose parking place carefully in rain
विशेषतः मुसळधार पावसाच्या वेळी. सखल भागात किंवा पूर येण्याची शक्यता असते. अश्या ठिकाणी पार्किंग करणे टाळा.
जर तुम्हाला मुसळधार पाऊस येण्याचा अंदाज असेल, तर कार झाकलेल्या भागात किंवा पार्किंग गॅरेजमध्ये पार्क करण्याचा विचार करा.
उंच ठिकाणी पार्किंग केल्याने तुमच्या कारचे पाण्यामुळे होणारे नुकसान आणि पुरामुळे इंजिन खराब होण्यापासून संरक्षण होऊ शकते.
जर खूप जोरात हवा चालू असले तर शक्यतो मोठ्या झाडाजवळ गाडी पार्क करून नका.
जास्त वाऱ्यामुळे झाड कारवर पडून कार चे नुकसान होऊ शकते.
7. ब्रेक्स नियमित तपास आणि देखभाल करा – Check breaks regularly
तुमच्या कारच्या ब्रेकची स्थिती सुरक्षित ड्रायव्हिंगसाठी, विशेषत: निसरड्या रस्त्यावर चांगली असणे खूप महत्वाचे आहे.
ब्रेक वर ओलावा आणि गंज निर्माण होऊन ब्रेक च्या कार्यक्षमतेवर परिणाम करू शकतो.
ब्रेक पॅड, रोटर्स आणि कॅलिपरची नियमितपणे तपासणी करा. जर तुम्हाला आवाज, व्हायब्रेशन किंवा स्मूथ ब्रेक पेडल जाणवले
तर तुमचे ब्रेक एखाद्या मेकॅनिक कडून तपासून घ्या.
8. बॅटरी आणि इलेक्ट्रिकल गोष्टी तपासा – Check battery and electrical equipment
पावसाळी हवामानामुळे तुमच्या कारच्या बॅटरी आणि इलेक्ट्रिकल सिस्टमवर अतिरिक्त ताण येऊ शकतो.
बॅटरी कनेक्शन स्वच्छ, घट्ट आणि गंजमुक्त असल्याची खात्री करून घ्या.
तुमच्या बॅटरीचे लाईफ संपण्याच्या वेळ जवळ येत असल्यास किंवा असे जाणवत असेल तर, पावसाळ्याचा जोर वाढण्यापूर्वी बॅटरी बदलण्याचा विचार करा.
कोणतेही अनपेक्षित बिघाड टाळण्यासाठी स्पार्क प्लग, इग्निशन कॉइल आणि इतर इलेक्ट्रिकल घटकांच्या स्थितीची वेळोवेळी तपासणी करा.
9. नियमित मेंटेनन्स – Car maintenance
कार निर्मात्याने दिलेल्या गाइड लाईन चे पालन करा,
कोणताही ऋतू असला तरी नियमित पणे तेल बदलणे, फिल्टर बदलणे आणि फ्लुइड टॉप-अप करणे आवश्यक आहेत.
कूलिंग सिस्टम च्या स्थितीकडे नेहमी लक्ष द्या, कारण जास्त उष्णता इंजिनमध्ये समस्या निर्माण करू शकते.
शेवटी थोडक्यात एकूण अर्थ एकच तो असा
पावसाळ्यात तुमच्या कारची काळजी घेणे तुमची सुरक्षितता सुनिश्चित करण्यासाठी आणि वाहनाचे दीर्घायुष्य राखण्यासाठी आवश्यक आहे.
या वरील ९ टिप्स फॉलो करून तुम्ही पावसाळ्यात होणाऱ्या संभाव्य नुकसानीपासून संरक्षण करू शकता.
जर तुम्हाला काही यावर उपाय सुचवायचे असतील तर खाली कंमेंट बॉक्स मध्ये टाका.
जेणेकरून जास्तीत जास्त लोक हि सुरक्षा घेऊ शकतील